მომხმარებლის სახელმძღვანელო

ყველაფერი, რაც თქვენი ციფრული მენიუს დასაყენებლად და სამართავად გჭირდებათ.

შესავალი

FoodMenu წარმოადგენს თანამედროვე QR-მენიუს პლატფორმას კაფეებისთვის, რესტორნებისთვის, ბარებისა და სხვა კვების ობიექტებისთვის.

სისტემა საშუალებას გაძლევთ შექმნათ მრავალენოვანი ციფრული მენიუ, მართოთ კატეგორიები (საჭმელი — სტარტერი, სალათები, ცხელი კერძები, დესერტები; სასმელი — ცხელი უალკოჰოლო, ცივი უალკოჰოლო, ღვინო, არაყი და სხვ.) და მათში დაჯგუფებული პროდუქტები — ანუ თქვენ მიერ შეთავაზებული კონკრეტული კერძები თუ სასმელები.

ასევე შეგიძლიათ ციფრული მენიუს ვიზუალი მოარგოთ თქვენს ბრენდს — ატვირთოთ ლოგო, აირჩიოთ ბრენდული ფერები და დააგენერიროთ QR კოდები მომხმარებლებისთვის.

სწრაფი დაწყება

FoodMenu-ის გამოსაყენებლად შეასრულეთ შემდეგი ნაბიჯები:

  1. მოითხოვეთ დემო ვერსია
  2. გაიარეთ ავტორიზაცია
  3. დაამატეთ ობიექტი (კაფე / რესტორანი)
  4. აირჩიეთ ენები და ვალუტა
  5. ატვირთეთ ლოგო და ბრენდული ფერები
  6. შექმენით მენიუს კატეგორიები
  7. დაამატეთ მენიუს პროდუქტები (კერძები, სასმელები, დესერტები და სხვ.)
  8. დააგენერირეთ QR კოდი
  9. გაუზიარეთ მენიუ მომხმარებლებს

ქვემოთ ყველა ეტაპი დეტალურადაა განხილული — გთხოვთ, ყურადღებით მიჰყვეთ ინსტრუქციას.

1. პირველადი წვდომა და გამოყენება

1.1 მთავარი გვერდი / დემოს მოთხოვნა

თუ მართავთ კვების ობიექტს, ეს აპლიკაცია თქვენთვისაა. ვებსაიტს სრულიად უფასოდ ეწვევით მისამართზე https://foodmenu.ge/.

დაუყოვნებლივ მოითხოვეთ თქვენი პირადი სადემონსტრაციო ვერსია მთავარი გვერდის მარჯვენა ზედა კუთხეში მოთავსებული „Request DEMO“ ღილაკით.

FoodMenu-ს მთავარი გვერდი მარჯვენა ზედა კუთხეში „Request DEMO“ ღილაკით

მთავარ გვერდზე ყურადღება მიაქციეთ ენების სელექტორს — გადართეთ თქვენთვის სასურველ ენაზე და დეტალურად გაეცანით ინფორმაციას FoodMenu-ს შესაძლებლობების შესახებ.

თუ სასურველი ენა სელექტორში არ მოიძებნა, გთხოვთ, მოგვწეროთ მთავარი გვერდის ფუტერში მითითებულ ელ. ფოსტაზე — ვეცდებით ოპერატიულად გამოვეხმაუროთ ენის დამატებას ან ნებისმიერ ტექნიკურ შეფერხებას.

მთავარი გვერდის ძირითადი ბლოკები

  • პროდუქტის მიმოხილვა
  • Request Demo ღილაკი
  • QR მენიუს უპირატესობები
  • მრავალენოვანი მხარდაჭერა
  • საკონტაქტო ინფორმაცია

შესასრულებელი მოქმედებები

  1. დააჭირეთ „Request Demo“ ღილაკს, რომ ავტორიზაციის პარამეტრები ელ. ფოსტაზე გამოგეგზავნოთ
  2. გაეცანით პლატფორმის შესაძლებლობებს

1.2 დემოს მოთხოვნის ფორმა

დემოს მოთხოვნის ფორმა — სახელი, ელ. ფოსტა, ტელეფონი, ბიზნესის დასახელება და შეტყობინება

ონლაინ ფორმა გამოიყენება დემოს მოთხოვნის გასაგზავნად.

შესავსები ველები (* სავალდებულო)

  • ობიექტის / კომპანიის დასახელება
  • საკონტაქტო პირი *
  • ტელეფონის ნომერი
  • ელ. ფოსტა *
  • დამატებითი ინფორმაცია

შესასრულებელი მოქმედებები

  1. შეავსეთ ფორმა
  2. დააჭირეთ გაგზავნის ღილაკს
  3. დაელოდეთ FoodMenu-ს გუნდის უკუკავშირს თქვენ მიერ მითითებულ ელ. ფოსტაზე

1.3 მომხმარებლის ავტორიზაცია

FoodMenu-ს ავტორიზაციის ფორმა ელ. ფოსტისა და პაროლის ველებით

ავტორიზაციის ფორმა გაიხსნება მთავარ გვერდზე „Login“ ღილაკზე დაჭერისას. გამოიყენეთ მას შემდეგ, რაც ელ. ფოსტაზე მიიღებთ პირველად ავტორიზაციის პარამეტრებს — მომხმარებლის სახელსა და პაროლს.

შესასრულებელი მოქმედებები

  1. შეიყვანეთ თქვენი ელ. ფოსტა
  2. შეიყვანეთ ჩვენგან მიღებული პაროლი (რეკომენდებულია პაროლის შეცვლა პირველი ავტორიზაციის შემდეგ)
  3. დააჭირეთ „Login“ ღილაკს
2. კაფე / რესტორნის მართვა

2.1 კაფე / რესტორნის შექმნა

ავტორიზაციის გავლის შემდეგ აღმოჩნდებით თქვენს სამომხმარებლო პროფილში, სადაც პირველ რიგში უნდა დაამატოთ თქვენი ობიექტის (კაფე / ბარი / რესტორანი) ინფორმაცია.

კომპანიის შექმნის Basics ნაბიჯი: ქვედომენი, საკონტაქტო მონაცემები, ენები და ვალუტა

ძირითადი ველები (* სავალდებულო)

  • ქვედომენის სახელი * — ჩაწერეთ ობიექტის დასახელება გადაბმულად, გამყოფი სიმბოლოების გარეშე; ამის საფუძველზე გენერირდება უნიკალური ლინკი (URL) და QR კოდი
  • საკონტაქტო ელ. ფოსტა
  • საკონტაქტო ტელეფონი
  • მისამართი
  • ძირითადი ენა
  • სხვა ენები — ერთი ან რამდენიმე ენა, რომლებზეც მოგვიანებით შეავსებთ მენიუს თარგმანებს
  • ვალუტა — ვალუტა, რომელშიც მიუთითებთ კერძების ფასებს

შესასრულებელი მოქმედებები

  1. შეავსეთ ინფორმაცია
  2. დააჭირეთ „Next“ (შემდეგი) ღილაკს

2.2 ობიექტის დეტალები

Detail ნაბიჯი — დასახელება, აღწერა და მისამართი, ცალკე ჩანართით თითო ენისთვის

ობიექტის დეტალების ჩანართში შეავსეთ მონაცემები წინა ნაბიჯზე არჩეული ყველა ენისთვის.

შესავსები ინფორმაცია

  • დასახელება
  • აღწერა
  • მისამართი
რჩევა: აღწერეთ თქვენი ობიექტი — მისი ტიპი, სტილი, კონცეფცია და ატმოსფერო — ისე, რომ მომხმარებელი დაინტერესდეს და მოუნდეს თქვენთან მისვლა.

შესასრულებელი მოქმედებები

  1. შეიტანეთ მონაცემები
  2. შეინახეთ „Save Step“ ღილაკით
  3. დააჭირეთ „Continue“ ღილაკს შემდეგ ჩანართზე გადასასვლელად
არ დაგავიწყდეთ: სამივე ველი შესავსებია ყველა არჩეული ენისთვის.

2.3 ენების მართვა

დეტალების ფორმა ცალკე ჩანართით თითო არჩეული ენისთვის

მართეთ მრავალენოვანი კონტენტი. თარგმანების მარტივად სამართავად ყველა ენისთვის გათვალისწინებულია ცალკე ჩანართი.

შესასრულებელი მოქმედებები

  1. აირჩიეთ ენის ჩანართი
  2. შეიყვანეთ შესაბამისი თარგმანი ამ ენაზე
  3. შეინახეთ

2.4 სოციალური ქსელები და ბრენდინგი

სოციალური ქსელების ნაბიჯი — Facebook, Instagram, TikTok, LinkedIn და ვებსაიტის ბმულები

მიუთითეთ თქვენი სოციალური ქსელების ბმულები. შესაბამისი აიკონები გამოჩნდება თქვენი QR მენიუს გვერდზე და მომხმარებელს გადაიყვანს თქვენს ოფიციალურ გვერდებზე.

მხარდაჭერილი პლატფორმები

  • Facebook
  • Instagram
  • TikTok
  • LinkedIn
  • ოფიციალური ვებსაიტი

შესასრულებელი მოქმედებები

  1. ჩასვით შესაბამისი ბმულები
  2. შეინახეთ ცვლილებები

2.5 დიზაინი (ლოგო და ფერები)

დიზაინის ნაბიჯი — ლოგოს ატვირთვა და ფერთა პალიტრის ან საკუთარი ფერების არჩევა

მოარგეთ მენიუს ვიზუალი თქვენს ბრენდს — ატვირთეთ ლოგო და აირჩიეთ ფერები.

რისი დაყენება შეგიძლიათ

  • ლოგოს ატვირთვა
  • ფერთა პალიტრის არჩევა (ან საკუთარი ფერების არჩევა)
  • ბრენდინგის მართვა

შესასრულებელი მოქმედებები

  1. ატვირთეთ ლოგო
  2. აირჩიეთ ფერები
  3. შეინახეთ

ობიექტის საწყისი კონფიგურაცია დასრულებულია — ახლა შეგიძლიათ მენიუს შედგენა.

2.6 ობიექტების სია

ობიექტების სია — თითო ობიექტი დომენით, ენებითა და Edit / QR კოდის მოქმედებებით
თუ ფლობთ კვების ობიექტების ქსელს ან რამდენიმე ცალკეულ ობიექტს, ყველა მათგანის მართვა ერთ სისტემაში შეგიძლიათ და თითოეულისთვის ცალკე მენიუს შედგენა.

შესაძლებლობები

  • ძიება
  • გაფილტვრა
  • რედაქტირება
  • სტატუსის მართვა

2.7 QR კოდების მართვა

თითო ობიექტის ჩანაწერის ბოლოს იხილავთ ორ ღილაკს: „Edit“ და „QR კოდი“. „Edit“ ხსნის ობიექტის მართვის გვერდს; „QR კოდი“ ხსნის ფანჯარას, სადაც უკვე დაგენერირებულია თქვენი ობიექტის უნიკალური QR.

გაზიარების ფანჯარა დაგენერირებული QR კოდით, Regenerate და Download PNG ღილაკებით

შესაძლებლობები

  • QR გენერაცია
  • QR Preview
  • ჩამოტვირთვა (გამჭვირვალე ფონის PNG ფაილი — ნებისმიერი ფერის ფონზე დასატანად)
  • მენიუსთან დაკავშირება

შესასრულებელი მოქმედებები

  1. დააგენერირეთ QR კოდი
  2. ჩამოტვირთეთ QR კოდი
  3. დაბეჭდეთ ან გააზიარეთ
3. მენიუს შედგენა
დაშბორდის გვერდითა მენიუ — Labels, Categories და Products

სისტემა მენიუს ალაგებს სამ ბლოკად:

  • კატეგორიები — მენიუს ნაწილები: სტარტერი, სალათი, ცხელი (მთავარი) კერძები, დესერტი და ა.შ.
  • ლეიბლები — კერძის მახასიათებელი ატრიბუტები (ვეგანური, ცხარე, საბავშვო და ა.შ.), რომ მომხმარებელმა ერთი შეხედვით აღიქვას კერძი.
  • პროდუქტები — მენიუს ძირითადი ერთეულები: კონკრეტული კერძები, სასმელები და სასუსნავები.

3.1 კატეგორიების მართვა

კატეგორიის შექმნის ფორმა — თარგმანის ჩანართები, ლეიბლები და სურათის ატვირთვა

შექმენით მენიუს კატეგორიები: მთავარი კერძები, დესერტები, სასმელები, საუზმე, კოქტეილები და ა.შ.

კატეგორიის ბარათი მოიცავს

  • დასახელება / სათაური
  • აღწერა
  • ფოტო / იმიჯი
  • ლეიბლი (საჭიროების შემთხვევაში)

შესასრულებელი მოქმედებები

  1. დააჭირეთ „Add Category“
  2. შეავსეთ ინფორმაცია
  3. შეინახეთ
არ დაგავიწყდეთ ყველა ტექსტური ინფორმაციის ჩაწერა ყველა არჩეულ ენაზე ენობრივი ჩანართების გამოყენებით.
კატეგორიების სია — ლეიბლები, სურათების რაოდენობა და Edit / Delete მოქმედებები

კატეგორიების სიაში შესაძლებელია

  • ძიება
  • გაფილტვრა
  • რედაქტირება
  • წაშლა

3.2 ლეიბლების მართვა

ლეიბლის შექმნის ფორმა — აიკონის ამრჩევი და ფერები

ლეიბლების შექმნა შესაძლებელია პროდუქტებისთვის ან/და კატეგორიებისთვის — მაგალითად: ცხარე, ვეგანური, Bestseller, ახალი, Gluten Free.

ყოველი ლეიბლი მოიცავს

  • დასახელება / სათაური
  • აღწერა
  • აიკონი (ვიზუალური პიქტოგრამა)
  • ფერი
ლეიბლების სია — აიკონი, ფერი და Edit / Delete მოქმედებები

ლეიბლების სიაში შესაძლებელია

  • ძიება
  • რედაქტირება
  • წაშლა

3.3 პროდუქტების მართვა

პროდუქტის შექმნის ფორმა — დასახელება, აღწერა, ფასი, ფასდაკლება, კატეგორიები და ლეიბლები

გახსენით პროდუქტების მართვა და დაიწყეთ პროდუქტების დამატება „Add Product“ ღილაკით.

ძირითადი მონაცემები

  • დასახელება / სათაური
  • აღწერა — რეკომენდებულია მიუთითოთ შემადგენლობა, პორციის წონა და განსაკუთრებული მახასიათებლები
  • ფასი
  • ფასდაკლების ფასი
  • სურათი
  • კატეგორია
  • ლეიბლები (არასავალდებულო)

შესასრულებელი მოქმედებები

  1. დააჭირეთ „Add Product“
  2. შეავსეთ ინფორმაცია
  3. ატვირთეთ სურათ(ებ)ი
  4. შეინახეთ
პროდუქტების სია — ფასი, კატეგორიები, ლეიბლები და სურათები თითო პროდუქტისთვის

პროდუქტების სიაში შესაძლებელია

  • ძიება
  • გაფილტვრა
  • რედაქტირება
პროდუქტის რედაქტირება — ტექსტური აღწერისა და ინგრედიენტების ჩათვლით

პროდუქტის დეტალები მოიცავს

  • სურათი
  • აღწერა
  • ინგრედიენტები
  • ფასი
  • ფასდაკლება
  • ლეიბლები
  • კატეგორია
  • თარგმანები
4. მომხმარებლის მენიუს მაგალითი

იხილეთ ცოცხალი დემო მენიუ — ზუსტად ის, რასაც თქვენი მომხმარებელი ხედავს — მისამართზე https://example.foodmenu.ge/.

მომხმარებლისთვის ხელმისაწვდომი ფუნქციები

  • მობილურზე ადაპტირებული მენიუ
  • მრავალენოვანი მხარდაჭერა
  • კატეგორიები
  • პროდუქტების ფოტოები
  • QR წვდომა
  • ბრენდირებული დიზაინი